Од ВМРО-ДПМНЕ упатија критики кон лидерот на СДСМ, Венко Филипче, обвинувајќи го дека продолжува со политиките поврзани со поранешното раководство на партијата.
Во соопштението, од партијата наведуваат дека нема тајни деловни врски со унгарскиот премиер Виктор Орбан, туку дека станува збор за официјална соработка меѓу државите, заснована на договори и партнерства на европско ниво.
Според ВМРО-ДПМНЕ, Филипче треба јасно да се дистанцира од, како што наведуваат, спорните практики од минатото раководство на СДСМ и да се фокусира на реформите во партијата.
– Можеби Филипче со неговиот ментор Заев работел така па мисли сите работат тајно и криминално. Оттука, Филипче нека се свести и нека се фати за неговата примарна задача, а тоа е да ја оттргне СДС од Заев, поточно да се огради јасно од неговите криминални бизнис врски, криминални зделки и слично, велат од ВМРО ДПМНЕ.
Воедно, од партијата посочуваат дека надлежните институции треба да ги разгледаат сите информации кои се појавуваат во јавноста и да постапуваат согласно законските процедури.
