На 28.11.2025 година во 21:15 часот, полициски службеници од Полициската станица Гостивар на улицата „Васил Василевски“ во Гостивар, согласно судска наредба за издржување затворска казна, привеле 26-годишен гостиварец кој се барал за издржување на казна за сторено кривично дело „тешка кражба“ по член 236 од Кривичниот законик. Тој бил спроведен во КПУ Затвор Тетово за издржување на казната.
Истиот ден, на 28.11.2025 година во 17:40 часот, на улицата „Браќа Миладинови“ во Тетово, полициски службеници од Секторот за меѓународна полициска соработка – Интерпол привеле 49-годишен тетовец кој бил баран за одземање моторно возило (рентакар) во Република Германија. Тој бил задржан во полициска станица и по документирање на случајот ќе следува соодветен поднесок.
