Претседателот на Русија Владимир Путин денеска изјави дека Русија е подготвена да направи се, за да обезбеди безбедност во врска со нуклеарната енергија.
„Москва е подготвена да работи со Меѓународната агенција за атомска енергија (МААЕ) во сите области поврзани со нуклеарната енергија и е благодарна на агенцијата за реципрочните чекори за зајакнување на соработката“, рече тој на средбата со директорот на МААЕ Рафаел Гроси, пренесува РИА Новости.
Путин и Гроси разговарале околу 50 минути во државната резиденција Бочаров Ручеј во Сочи.
На средбата присуствуваше и генералниот директор на Росатом Алексеј Лихачов.
