Тајлер Кори, кој работи како сообраќаен полицаец, бил повикан на работа кога се случила страшна сообраќајна несреќа. Тој заминал на терен како и секој друг обичен ден, но не можел ни да замисли дека таму всушност ќе го најде телото на својот син.
Бил повикан на местото на несреќата без да знае дека неговиот син трагично загинал таму.
Претходно овој месец, властите потврдија дека 29-годишниот Тајлер Бешорнер починал откако бил удрен од автомобил на рутата 363 во Њујорк.
„Ова е еден од нашите најлоши кошмари. Додека ги поставувавме знаците, разговаравме дека нечиј свет вечерва ќе се преврти наопаку. Не знаев дека тоа е мојот свет или моето семејство“, изјави Кори.
Семејството на Тајлер е очајно за одговори за тоа што се случило и ја моли одговорната страна да излезе.
Мајката на Тајлер рече: „Не сакам да негувам омраза и не сакам да се лутам бидејќи тоа ништо нема да промени, ниту пак ќе го врати назад“.
Полицијата ги повикува членовите на заедницата кои можеби имаат какви било информации да пријават што е можно поскоро.
„Членовите на заедницата треба да бидат свесни дека можеби слушнале нешто. Можеби слушнале некој како зборува за ова, без да сфатат што слушнале и колку е тоа важно“, рече тој.
Тајлер имал 29 години.
