Врховниот суд на САД се согласи да одлучи дали поранешниот претседател Доналд Трамп (Трамп) има имунитет од гонење по обвиненијата за обид за поништување на изборите во 2020 година, јавуваат Би-Би-Си и Си-Ен-Ен.
Судот одлучи да го разгледа случајот денеска. Од деветте главни судии, шест се конзервативци. Ова е првпат судот да одлучи да разгледува ваков случај.
Апелациониот суд во САД веќе го отфрли аргументот на Трамп дека е заштитен со претседателски имунитет.
Трамп побара имунитет од сите кривични пријави, за кои рече дека се дел од должностите на претседателот.
Но, судот едногласно пресуди против него.
– Не можеме да го прифатиме тврдењето на поранешниот претседател Трамп дека претседателот има неограничено овластување да врши злосторства што би ја неутрализирале најосновната контрола на извршната власт, признавањето и спроведувањето на изборните резултати – објави судот.
Трамп се жалеше до Врховниот суд и побара одлуката да се одложи.
