Украинскиот претседател Володимир Зеленски изјави за Си-Ен-Ен дека „милиони ќе бидат убиени“ во војната против Русија доколку американските пратеници не го одобрат барањето на претседателот Џо Бајден за воена помош од 60 милијарди долари за Украина.
На прашањето на новинарот на Си-Ен-Ен за тврдењето на републиканскиот американски сенатор Џ.
– Да се разбере тоа значи да се дојде на првата линија за да се види што се случува, да се разговара со луѓето, па да се оди кај цивилите за да се разбере… што ќе се случи со нив без оваа поддршка. И ќе сфатат дека милиони луѓе ќе бидат убиени. Тоа е факт – рече Зеленски.
За време на прес-конференцијата, Зеленски рече дека Русија би можела да се обиде со нова офанзива кон крајот на мај или почетокот на летото.
– Тие ќе се подготват, а ние ќе се подготвиме за нивната борба – рече тој.
Тој постојано ја повторува потребата на неговата нација од повеќе оружје за да ја продолжи борбата против Русија. Зеленски додаде дека следните месеци ќе бидат тешки за неговата земја бидејќи во САД владее политичка неизвесност.
– Изборите во САД ќе бидат пресвртница – рече тој.
