Медицинските тимови се справуваат со голем број ранети по завршувањето на хуманитарната пауза и обновувањето на израелското бомбардирање на Појасот Газа, објави во петокот палестинското Министерство за здравство во Газа.
– Ранетите лежат на подот во одделенијата за итни случаи и пред операционите сали поради пренатрупаност – изјави портпаролот на Министерството Ашраф Ал Кудра.
Израел продолжи со своите воени операции во Појасот Газа во петокот рано наутро по завршувањето на хуманитарната пауза, бомбардирајќи различни области на северот, центарот и јужниот дел на Појасот, што резултираше со десетици мртви и повредени, соопшти Министерството за Газа.
