Американскиот претседател Џо Бајден го предупреди Израел да не ја окупира Газа во еден од неговите најзначајни јавни повици за воздржаност додека Израелците реагираат на нападите од Хамас овој месец.
Во интервјуто за „60 минути“ на Си-Би-Ес што се емитуваше во неделата, Бајден рече дека би било „огромна грешка“ Израел да ја окупира Газа. Израел сигнализираше дека се подготвува за копнена инвазија на Газа, иако расте хуманитарната криза во крајбрежната палестинска енклава. Бајден повика на заштита на цивилите, а САД работат на ублажување на недостигот од храна, вода и гас.
– Она што се случи во Газа, според мене, е Хамас, а екстремните елементи на Хамас не го претставуваат целиот палестински народ – рече Бајден на новинарот Скот Пели.
Бајден рече дека верува оти Хамас треба целосно да се елиминира, „но треба да има палестинска управа“.
– Мора да има пат до палестинска држава – рече тој.
