„Кронен цајтунг“ објави дека 22-годишен маж од Босна и Херцеговина бил брутално претепан во стариот центар на Салцбург.
Според австриските медиуми, во петокот наутро дошло до расправија која прераснала во тепачка во која учествувале 20-годишен Германец, непознат сторител и 22-годишен млад човек од Босна и Херцеговина.
Насилниците по вербална расправија го нападнале и го удирале младиот човек од Босна и Херцеговина. Кога младиот човек веќе бил на земја, двајцата напаѓачи го удирале со нога по главата и горниот дел од телото.
Кога полицијата во патрола поминала во близина на местото на злосторството, ја забележала ситуацијата. По кратката потера, полицајците успеале да го уапсат насилникот, 20-годишен Германец. Толку дал отпор што при апсењето повредил четворица полицајци.
Повредениот бил пренесен во болница со неидентификувани повреди. Во меѓувреме, полицијата трага по уште еден осомничен, пренесува „Кроне цајтунг“.
