Силните ветрови и врнежи во Москва предизвикаа хаос во градот. Откорнати се 70-ина дрвја, а повеќе од 50 автомобили се оштетени, изјавија за „Интерфакс“ службите за итни случаи.
Во невремето нема повредени.
Силно невреме со грмотевици ја погоди Москва вчера попладне, а за помалку од еден час во градот наврнаа до 23 мм дожд, што е повеќе од четвртина од месечната норма за јули. Налетите на ветрот понекогаш достигнуваа и 20 метри во секунда.
Десетици улици беа поплавени, а паркот „Горки“ беше затворен. Надлежните препорачаа рестораните и кафулињата да ги затворат летните тераси.