Руската национална гарда ќе добие тешко вооружување и тенкови, изјави денеска командантот на формацијата, Виктор Золотов, по обраќањето на претседателот на Русија, Владимир Путин, на плоштадот на парламентот во Кремљ.
Тој изјави дека за ова прашање разговарал со Путин, пренесува „РИА новости“.
Золотов истакна дека борците на руската гарда дејствувале компетентно за време на обидот за вооружен бунт минатиот викенд.
За да се спречи крвопролевање, гардата соработуваше со ФСБ, Министерството за внатрешни работи и Министерството за вонредни состојби, рече Золотов.
