Шест лица загинаа во верижен судар во кој учествувале десет возила на автопат во американската сојузна држава Илиноис, додека повеќе од 20 се повредени.
Околу 40 до 60 автомобили и околу 20 службени возила, вклучително и бројни камиони со приколки, вчера попладне учествуваа во сообраќајна несреќа на меѓудржавен број 55 во јужниот дел на Илиноис, изјави полициски претставник на прес-конференција.
Повеќе од 30 повредени лица се пренесени во локалните болници, а неколку лица починале, изјави официјалниот претставник.
Два камиони се запалија како резултат на верижен судир, додаде тој. Џолета Хил од округот Монтгомери по телефон потврди дека најмалку шест лица загинале во несреќата.
Претставник на полицијата изјави дека несреќата во близина на Фармерсвил, околу 320 километри југозападно од Чикаго, била предизвикана од „силните ветрови што дувале кал од полињата на фармите на автопатот, што резултирало со нулта видливост“.
Тој дел од автопатот беше затворен во двата правци неколку часа, соопшти полицијата.
