Шпанската полиција соопшти дека уапсила лице кое од 2014 година е еден од најбараните криминалци на листата на Европол.
Во соопштението се наведува дека апсењето е извршено во провинцијата Толедо и дека се работи за лице кое е член на една од најактивните криминални организации во Шпанија во претходните децении и лице кое е „експерт“ за технички и компјутерски алатки.
Полицијата посочува дека 37-годишниот маж сега е под судски надзор поради тортура, киднапирање, недозволено поседување огнено оружје и муниција, закани, нанесување повреди и кривични дела против јавното здравје.
Уапсениот, меѓу другото, бил вмешан и во кражба на поголемо количество лекови во пристаништата, а бил одговорен за следење на контејнерите со лекови кои пристигнувале на пристаништата.
