Украинските власти тврдат дека е киднапиран Александар Шаповалов, градоначалник на Берислав, град во областа Керсон. Тој беше киднапиран во саботата и се уште е во рацете на руските сили, според локалните власти.
Потсетуваме, претходно Министерството за надворешни работи на Украина обвини руски војници за киднапирање на градоначалникот на Мелитопол. Официјални лица рекоа дека руски војници го киднапирале градоначалникот Иван Фередов откако лажно го обвиниле за тероризам.
