Украинските медиуми наведуваат дека утрово, околу 10 часот по локално време, во градот Чернигов биле убиени 10 цивили, кои стоеле во ред за леб.
„Руските окупатори денеска нападнаа луѓе што стоеја во ред за леб во Чернигов убивајќи најмалку десетмина од нив“, пишува „Суспилне“.
#Ukraine Unimaginable. In Chernihiv, 10 people waiting in line for bread were shot dead.
Ukrainian Suspilne reported that it happened this morning in one of the sleeping areas of the city. pic.twitter.com/ikoQCu3UTd
— Hanna Liubakova (@HannaLiubakova) March 16, 2022
„Руските трупи во еден кварт гаѓале луѓе што стоеле во ред за леб. Ова од местото на настанот го пренесе нашата дописничка наведувајќи дека гранатирањето се случило на 16 март околу 10 часот. Притоа најмалку десет цивили ги загубија животите“, се додава во веста.
„Суспилне“ на „Твитер“ објави видео од местото на настанот, но неговата автентичност сѐ уште не е официјално потврдена. Амбасадата на САД во Киев исто така соопшти дека руските сили убиле 10 луѓе што стоеле во ред за леб во Чернигов.
