Украинскиот претседател Володимир Зеленски предупреди дека Русија нема да престане со сегашната акција и дека ќе продолжи да им се заканува на другите европски земји.
„Ние сме место во Европа, место на слобода, зона на слобода. Кога се кршат и газат границите на правата и слободите, тогаш мора да нè заштитите. Затоа што ние ќе бидеме први, вие ќе бидете втори“ – изјави Зеленски во интервју за ABC News.
Изјавата на Зеленски следеше додека специјалната акција на руската армија во Украина влезе во 13-ти ден, без навестувања дека наскоро ќе заврши.
Минатиот петок НАТО одби да воведе зона на забранети летови над Украина, тврдејќи дека тој потег може да предизвика војна во Европа.
„Не можеме да дозволиме Русија да биде активна само таму, бидејќи не бомбардираат, гранатираат, ни праќаат ракети, хеликоптери, борбени авиони – многу работи. Ние не го контролираме нашето небо“ – рече Зеленски.
Тој додаде дека американскиот претседател Џо Бајден може да направи повеќе за да ѝ помогне на Европа, пренесува „Индипендент“.
„Сигурен сум дека може и би сакал да верувам во тоа. Тој е способен да го направи тоа“ – додаде Зеленски.
Претседателот на Украина тврди дека руските војници продолжуваат да напаѓаат цивилни структури, принудувајќи ја украинската структура да возврати.
Во другите вести, украинската армија во вторникот рече дека руските трупи планираат да маршираат кон Киев, откако не успеаја да го заземат главниот град пред речиси две недели.
„Сигурен сум дека Украинците се подготвени цел живот да се борат против Русија. Ќе издржиме, па и да дојдат во сите наши градови, ќе има бунтови, бунтовничка војна. Никој нема да ја изневери нашата независност“ – рече Зеленски.
