Грчката крајбрежна стража денеска соопшти дека спречила обид на повеќе од 120 лица илегално од Турција да влезат во грчките територијални води во Егејското Море.
Во соопштението на крајбрежната стража се вели дека патролните чамци на Фронтекс, граничната агенција на ЕУ, помогнале во операцијата и дека на ниту еден од петте чамци што превезувале мигранти не му било дозволено да влезе во грчките води, пренесе „Ројтерс“.
Наведено е и дека чамците на турската крајбрежна стража на крајот пристигнале на местото каде што се наоѓале мигрантите, во близина на островот Кос и дека ги вратиле во Турција.
