Рускиот олигарх Михаил Фридман повика, во писмо што го испрати до своите вработени во лондонската LetterOne, да се стави крај на војната во Украина, објави „Фајненшл тајмс“.
„Роден сум во западна Украина и живеев таму до 17 години. Моите родители се Украинци и живеат во Лавов, мојот омилен град. Но, јас живеев добар дел од мојот живот како граѓанин на Русија, каде што го изградив и проширив мојот бизнис. Длабоко сум поврзан сум со народот на Украина и Русија, а сегашниот конфликт е трагедија за сите страни“, напиша Фридман, првиот руски тајкун кој отворено повика на прекин на руската агресија.
„Убеден сум дека војната никогаш не е решение. Оваа криза ќе чини животи и ќе им наштети на две нации кои биле братски со векови. Решението за оваа ситуација е застрашувачки далеку. Можам само да им се придружам на оние кои решително сакаат да се стави крај на крвопролевањето. Сигурен сум дека моите деловни партнери се согласуваат со мене“, напиша тој.
„Форбс“ го рангираше Фридман на 128-то место на листата на најбогати луѓе во светот, а неговото богатство се проценува на 15,5 милијарди долари.
