Пратеничката Жаклина Пешевска од ВМРО-ДПМНЕ смета дека говорот на омраза не е казниво дело и тоа го тврдеше на ТВ дебата. Ваквите дезинформации во јавноста не се наивни, затоа што на тој начин се охрабруваат оние кои постојано сеат омраза на социјалните мрежи, што пак од своја страна може да поттикне и на физичко насилство кон оние кои се предмет на говор на омраза.
Но, како што открива „Кратки нозе“ на Цивил медија, говорот на омраза одамна е кривично дело и тоа со неколку членови во Кривичниот законик, но дека ретко во праксата се применуваат казни за ова дело. Вакво непознавање не треба да е својствено за пратеници кои ги носат законите, сметаат од Цивил медија.
