Што и да користите вообичаено за чистење на рерната, веруваме дека ќе сакате да го испробате овој метод на чистење, за кој многумина тврдат дека е поефикасен од сода бикарбона и оцет или силните средства за одмастување и жицата за стружење.
Тоа веднаш ќе ги отстрани маснотиите и нечистотијата од вратата на печката, како и од стаклениот дел и од металната рамка на вратата.
Се што ви треба за овој трик е таблета за миење садови (или две) и сад со топла вода. Користете само компресирани таблети во прав, а не гел таблети.
Потопете ја таблетата во вода и држете ја натопена доволно долго за да апсорбира малку вода, но не премногу долго за да не почне да се распаѓа. Потоа едноставно истријте ја вратата со таблетата, сунѓер не е потребен! Користете ја дланката за да ја движите таблетата во кружни движења за да ги отстраните дамките и маснотиите.
Ако таблетата почне да се суши, натопете ја повторно. Овој трик е одличен за чистење на стаклото на вратата на печката, но исто така е ефикасен и на метална рамка, може да биде потребен само посилен притисок. Кога ќе завршите, избришете ги остатоците од таблетата и нечистотијата со влажна крпа.
Таблетите за машина за миење садови се направени од концентрат на детергент, поради што ја отстрануваат дури и најтврдокорната маст и ги оставаат садовите сјајни. Овие моќни состојки делуваат и на дамки од маснотии и печена храна што остануваат во рерната. Покрај тоа, таблетите имаат абразивна површина што ги чисти и најтврдокорните дамки, но е доволно нежна за да не го изгребат стаклото на вратата на печката.
