Русија денеска почна големи воени вежби на Крим под личен надзор на рускиот министер за одбрана, Сергеј Шојгу.
Руското Министерство за одбрана објави дека Шојгу со хеликоптер прелетал над областа каде што се распоредени војници и воена опрема и дека ја проверил подготвеноста на поморските и копнените сили.
Повеќе од 10.000 војници и над 40 воени бродови ќе учествуваат во воените вежби, објави руската новинска агенција „Интерфакс“.
„За време на активната фаза, трупите вежбаат ланsирање и одбивање ракети и воздушни напади, користејќи беспилотни летала и крстосувачки ракети, а исто така ги користат и капацитетите за противвоздушна одбрана на бродовите“, се вели во соопштението на Министерството за одбрана.
Официјален Кремљ денеска објави дека претседателот Владимир Путин е запознаен со поканата од украинскиот претседател Владимир Зеленски да се состанат и да разговараат за кризата на украинската граница.
„Ако претседателот смета дека е потребно, тој сам ќе одговори. Сега немам што повеќе да кажам за тоа“, рече портпаролот на Кремљ, Дмитриј Песков.
