Еден маж е уапсен во Џеда, Саудиска Арабија, откако избодел стражар во францускиот конзулат, објавија државните медиуми.
Според „Скај њуз Арабија“, чуварот бил повреден со остар предмет. Тој е хоспитализиран и неговиот живот не е во опасност, објави француската амбасада.
Осомничениот напаѓач е саудиски државјанин и полицијата го уапсила, додаваат од амбасадата.
„Напаѓачот беше уапсен од саудиските безбедносни сили веднаш по нападот. Чуварот беше пренесен во болница и неговиот живот не е во опасност”, се вели во соопштението на амбасадата.
Инаку, ова е трет напад врз Франција од утрово.
