Американскиот претседател Доналд Трамп го назначи американскиот специјален претставник за Северна Кореја Стивен Биган (56), ветеран за надворешна политика, за следен заменик-државен секретар.
Неименуван американски службеник изјави дека Биган ќе ги задржи своите одговорности во дипломатијата со Северна Кореја. Биган ќе го замени Џон Саливен како службеник бр. 2 на Стејт департментoт.
Саливен е номиниран за следниот амбасадор во Русија.
Номинацијата на Биган има широка поддршка меѓу високите дипломати, а тој исто така се смета за погоден кандидат за државен секретар во случај Мајк Помпео да одлучи да се пензионира и да се кандидира за место во Сенатот следната година./Makfax
