Американскиот претседател Доналд Трамп прогласи вонредна состојба во американските Девствени Острови, откако ураганот Доријан предизвика прекин на електричната струја и уриваше дрвја и далеководи на Карибите.
Тој потпиша декларација со која ѝ нареди на Федералната агенција за управување со вонредни состојби (ФЕМА) да ги координира сите напори за ублажување на катастрофата.
Ураганот Доријан вчера се спушти на островот Свети Томас како бура од прва категорија и нанесе мала материјална штета на инфраструктурата на вториот по големина остров во архипелагот.
Невремето предизвика спорадични прекини на електрична енергија во неколку градови, додека целиот Свети Томас остана без струја, јави РТ.
Утрово е прогласена вонредна состојба во Флорида, преку која „Доријан“ ќе премине на патот кон Порторико.
