Во местото Пунат на островот Крк, на Јадранското Море, се наплаќа сенка на плажа. На социјалните мрежи се шири фотографија од ценовник снимен во камп во Пунат.
Таму дрвена лежалка се наплаќа 4 евра, но нема бесплатно да избирате место, туку за место во сенка за возрасни ќе платите 2 евра, а за деца ќе ве чини 1,35 евро.
Фотографијата предизвика многу реакции.
„Ако се стави крпа на сонце и во работните часови на местото паѓа сенката, потоа тоа се плаќа или се смета промотивна услуга подарок според член 46 од Законот за заштита на потрошувачите“, „Може ќе се сетат и сонцето да го наплаќаат!“, „Ќе почнат да ја наплаќаат и земјата по која одиме“, „Повеќе им се исплати на туристите во Турција во рисорт каде што сè е вклучено. Не е Јадранското Море единствено во светот, а еднаш ако потрошувачот нешто забележи, тој веќе не се враќа, тажно“, напишале некои.
Сепак, има и такви што го оправдуваат сопственикот на кампот.
„Луѓето на својата приватна сопственост може да го прават она што сакаат да го прават без јавна плажа и да уживаат во тоа!“, „Не разбирам, доколку е приватно, може да прави што сака, зошто се буните?“, „Никој не ве принудува, баш сум љубопитен дали би дозволиле други да ви се сончаат во вашиот двор?“, „Можеби не е во ред, но ете тоа е приватен имот“…
