Снежна бура го погоди западниот дел од САД каде загинаа најмалку пет лица во сообраќајни несреќи, додека десетина летови се откажани.
Како што пренесе „Ројтерс“, бурата се движи кон Вашингтон.
Според прогнозите, снежната бура ќе погоди подрачје во ширина од 2.900 километри, од Колорадо до средниот Атлантик.
Бурата во петокот ги погоди Канзас и Мисури и се прошири на делови од Ајова, Илиноис, Индијана и Охајо. Најмалку пет лица загинаа во сообраќајни несреќи на патиштата во Мисури и Канзас.
Од меѓународниот аеродром во Сент Луис откажани се дестина летови.
Обилни снежни врнежи се очекуваат и во Вирџинија и Вашингтон.
