(Видео) По 15 години, Хју Грант откри низ што минал поради познатата сцена од Love Actually”

Еден од најпопуларните божикни филмови е романтичната комедија Love Actually, која премиерно беше прикажана пред 15 години. Во ова остварување, главната улога ја играше Хју Грант (58), кој изјави дека не му е јасно зошто овој филм стана толку популарен, но од друга страна му е драго што го засакаа луѓето од целиот свет.

„Мило ми е што овој филм стана еден вид божикен обичај за многу луѓе”, рече Грант.

Тој се присети на онаа легендарна сцена кога игра и пее по дома, и според сопственото признание, не му се допаднало што ја снимил.
„Тоа беше една од најлошите сцени што требаше да ги снимам. Беше седум часот наутро, па натерајте еден 43-годишник трезен да игра и пее“, рече Хју Грант.