Претседателот на Турција, Реџеп Таип Ердоган, ги повика земјите од Африка да се приклучат во заеднички бизнис и трговија со Турција, а притоа да користат домашни валути.
„Да ја заштитиме нашата трговија од ризиците што ни ги наметнуваат странските валути“, порача Ердоган на турско-африканскиот форум за бизнис и економија.
Тој посочи дека земјите треба да се заштитат од притисокот од странските валути.
„Наш приоритет е ова прашање (тргување со домашни валути) додека земјата се соочува со разни шпекулации“, вели претседателот.
Ердоган додава дека е важно да се знае дека секогаш постои алтернатива.
„Ние сме подготвени да ги зајакнеме нашите бизнис-врски и притоа да користиме домашна валута не само со нашите главни партнери туку и со нашите пријатели од Африка“, вели тој.
Турција се бори за трговија со домашна валута и ги обвинува САД дека го користи доларот како алатка за напад врз економијата на повеќе земји.