По повод Светскиот ден на слободата на медиумите, 3 Мај, шефицата на дипломатијата на ЕУ, Федерика Могерини, порача дека слободата на изразување и слободата на печатот се загрозени во целиот свет.
„Нападите против медиумите и новинарите се напади на демократијата и слободата на сите нас“, соопштила Могерини.
Таа истакна дека ЕУ се заснова на вредностите на демократијата, човековите права и владеењето на правото, како и на слободни и плуралистички медиуми, што е утврдено во ЕУ со повелбата за основните права.
Во билатералните контакти со трети земји, како што вели Могерини, ЕУ ќе го осудува и ќе се спротивставува на насилството над новинарите, законите или политичките притисоци што ја ограничуваат слободата на изразување, но и ќе се преземаат конкретни чекори да се одговори на таквите напади.
