Претседателот на ВМРО-ДПМНЕ, Христијан Мицкоски најави дека од мај повторно ќе биде со народот на протести и ќе тргне да ја урива власта на Зоран Заев.
Мицкоски, кој денеска оствари средби со членовите на Општинскиот Комитет на ВМРО-ДПМНЕ во Сопиште, се осврна на настаните од 27-ми април кога се случи насилството во Собранието, по прозивките на СДСМ дека на тој ден бил меѓу собраните пред законодавниот дом.
„Ич да не се грижите и не треба никој од вас да се грижи затоа што нас не ставаат во кругчиња и во квадратчиња затоа што бевме со народот и бевме заедно и протестиравме за она за кое што го предупредуваме тогаш сегашниот премиер Зоран Заев да не прави нешто што е спротивно на интересите на Република Македонија. И горди сме за тоа“, рече Мицкоски.
Претседателот на ВМРО-ДПМНЕ претходно на „Фејсбук“ напиша дека на 27-ти април бил со народот, со луѓето кои протестирале осумдесетина дена претходно и со право биле загрижени за иднината на земјата.
