На 27.11.2025 во 01:47 часот во СВР Битола е пријавено дека на патот Ресен–Прилеп патничко возило „сеат леон“ со демирхисарски регистарски ознаки, управувано од 18-годишен маж од Демир Хисар, излетало надвор од коловозот и удрило во метална заштитна ограда.
Во несреќата со тешки телесни повреди се здобил возачот, а со телесни повреди се здобил неговиот 17-годишен сопатник од село Журче, демирхисарско, констатирани во Клиничката болница Битола. Извршен е увид од јавен обвинител и увидна екипа од СВР Битола.
