На 19 ноември 2025 година, околу 12:01 часот, во СВР Скопје била пријавена сообраќајна ситуација на крстосницата меѓу улицата „11 Октомври“ и булевар „Кочо Рацин“. Медицинско возило од марката „рено трафик“, сопственост на приватна здравствена установа, нагло запрело при обид да избегне судир со друго возило, кое го напуштило местото на настанот.
При ненадејното сопирање, тешко била повредена 26-годишна докторка од истата установа, додека уште една вработена се здобила со телесни повреди. Двете биле пренесени во Градската општа болница „Св. Наум Охридски“, каде им биле констатирани повредите.
Во медицинското возило се превезувал и 89-годишен пациент со претходни здравствени проблеми. По пристигнувањето во болницата, лекар констатирал смрт. По наредба на јавен обвинител, телото е предадено на обдукција. Полицијата изврши увид и презема мерки за целосно расчистување на случајот.
ПОПУЛАРНО НА ИНТЕРНЕТ...
