Еден полицаец загина, а неколку луѓе се ранети денеска во терористички напад на автопатот во близина на израелскиот град Ашдод. Напаѓачот е „неутрализиран“.
Жртва на пукањето кај Ашдод е 30-годишен полицаец.
Извештаите велат дека терористот пеш стигнал до автопатот и тргнал по патот во близина на клучката. Не е јасно дали тој стигнал до запреното полициско возило и потоа отворил оган или дали полициското возило застанало до него за да истражи, пишува Тајмс оф Израел.
Потоа отворил оган од пиштолот, при што тешко го ранил полицаецот кој подоцна починал од повредите. Потоа почнал да пука во цивили во околните автомобили.
„Возев и видов вооружен маж како стои на патот. Прво помислив дека е полицаец, но потоа пукаа кон мене. Се откачив, а потоа скокнав од возилото, извадив пиштол и пукав во него“. им рече цивилот на насобраните новинари, волонтер болничар.
Нападот се случил во близина на раскрсницата Јавна, северно од Ашдод, а лекарот кој го запрел својот автомобил за да им помогне на повредените бил полесно повреден кога во него удрил друг автомобил.
Се верува дека пукачот пукал кон луѓе од две одделни локации долж автопатот меѓу Ашдод и Јавне. Сообраќајот на местото на настанот е запрен, а полицијата ја пребарува областа за да го исклучи присуството на втор напаѓач.
