Некои ова старо босанско јадење го нарекуваат поткриза, а некои поткрижа – но резултатот е вкусно јадење од кое куќата сигурно ќе мириса, а семејството ќе биде задоволно.
Јадењето може да се направи од секое месо, а некои рецепти препорачуваат суво месо како најдобра верзија.
Изборот нека биде ваш, а ќе ви требаат едно пилешко, три до четири главици кромид, зачини (сол, бибер и вегета) и еден леб.
Лебот што го користите треба да е стар најмалку еден ден, а за подготовка на таков леб ќе ви требаат 250 грама остро брашно и исто толку бело брашно, мала лажица сол, една лажица масло, половина прашок за пециво или сода бикарбона, 100 мл јогурт и исто толку кисела вода.
