Пратеникот на СДСМ, Миле Талески во гостувањето во ТВ24 кажа дека ако во рок од 32 години во земјата се изградени 186 километри автопати, сега со договорот со „Бехтел и Енка“ во рок од пет години ќе се градат 110 километри автопати.
-Треба да зборуваме за придобивките за граѓаните и стопанството, односно дали ќе останеме кружен тек во регионот или раскрсница? Треба да ги користиме придобивките преку коридорите 8 и 10Д со кои ќе ја поврземе државата со неколку пристаништа, кажа Талески.
Според него мисловна именка било до пред неколку години да се разговара меѓу власта и опозицијата за изградба на еден ваков проект со пари на граѓаните.
-Целиот процес е воден на транспарентен начин. Повеќе од година дена е донесен Законот во Собранието, а сега кога е дојдено до реализација на ВМРО-ДПМНЕ почна да им смета, зашто во време на СДСМ ќе биде направен најголемиот капитален проект, кажа Талески.
