Премиерот Димитар Ковачевски вели дека Министерството за труд и социјална политика продолжило со несмалено темпо во реализација и изградба на нови објекти за да се задоволат потребите на граѓаните. На прес-конференцијата посветена на реализацијата на капиталните инвестиции премиерот истакна дека од 2017 година до денес, отворени се 75 градинки со опфат од 5500 деца.
-Во текот на 2022 година завршени се со реализација нови градинки или пак се изградени доградби кај градинките во 10 општини и тоа Струмица, Гостивар, Берово, Демир Капија, Крива Паланка, Валандово, како и во Сопиште, Ѓорче Петров, Аеродром и населбата Драчево. Капацитетите на градинките ги зголемивме за над 1.000 деца од целата држава. Реализирани се и други значајни инвестиции во делот на подобрување на објектите кои што нудат социјални услуги за граѓаните. Во оваа година планирана е изградба, доградба или адаптација на дополнителни над 20 градинки во државата, кажа Ковачевски.
