Centar.mk – Вести, бизнис, забава, спорт…
+ЛокалноВо тренд...

СДСМ: Хаосот во Скопје е одговорност на коалицијата на ВМРО-ДПМНЕ со Арсовска и Левица

„Една година Град Скопје тоне во безидејност, без ниту еден нов проект, без каков било план за развој. Дури и основните услуги на градот не функционираат, јавниот превоз е во колапс а катастрофална е состојбата и во другите јавни градски претпријатија“ соопштуваат од владејачката СДСМ.

Оттаму посочуваат дека „хаосот што му се случува на Скопје е одговорност на коалицијата на ВМРО-ДПМНЕ со Данела Арсовска и Левица која се потврди со гласањето на Буџетот на Град Скопје за 2023 година“.

„И градоначалничката и претседателот но и мнозинството во Советот, како и мнозинството во управните одбори на јавните градски претпријатија се поврзани со ВМРО-ДПМНЕ и затоа оваа партија е најодговорна за катастрофата во главниот град. Една година градска власт е една година стагнација на Скопје“ се вели во партиското соопштение.