Го бараа со денови: Mлад актер пронајден мртов во близина на колеџот

Актерот Метју Миндлер (19) беше пронајден мртов во близина на колеџот во кој одел.

Исчезнувањето на младиот актер, познат по улогата во комедијата „Нашиот брат идиот“, беше објавено во средата, откако тој не се врати во студентскиот дом на Универзитетот Милерсвил, каде што студирал. Неговиот колега последен пат го видел во вторникот вечерта додека одел кон паркингот во кампусот, пренесуваат вестите на Ен -Би -Си.

Неговото тело е пронајдено во близина на факултетот, но причината за смртта се уште не е соопштена.

Миндлер стана познат по улогата во комедијата „Нашиот брат идиот“, и глумеше уште во неколку филмови и серии пред да одлучи да се посвети на студиите.