Паѓаат цените на нафтата: Загриженост дека коронавирусот може да влијае на побарувачката

Цените на нафтата на светскиот пазар паѓаат денес покрај загриженоста дека зголемениот број на заразени со делта сојот може да влијае на побарувачката за овој извор на енергија.

Во Лондон, цената на суровата нафта Брент од Северното Море беше пониска за 1,04 долари и сега изнесува 71,85 долари за барел.

Во Њујорк, цената на лесната сурова нафта падна за 1,21 долари и изнесува 70,05 долари за барел.

Во претходниот период, двата вида нафта се зголемија за повеќе од 60 центи.