Секојдневниот стрес доведува до ментално и физичко исцрпување. Постојат знаци кои јасно укажуваат дека итно ви треба одмор од сè.
Колегите ве прашуваат дали сте добро
Другите луѓе веројатно забележуваат пред вас дека сте под стрес или нервозни. Ако колегите ви пријдат и ви кажат „изгледате уморно“ или „дали е сè во ред?“, тоа може да биде јасен знак дека ви треба одмор.
Честопати грешите на работа
Хроничниот стрес е често причина за грешки на работа и знак дека мора да забавите. Поради замор, ја губиме способноста да се фокусираме и не можеме да се посветиме на работата на убав начин и со целосно внимание.
Се ве боли
Грб, глава, очи, стомак… Кога сме под стрес, телото станува помалку отпорно на болка, па може да се случи главата да ве боли почесто од вообичаено.
Проблеми со спиењето
Несоница или зголемена потреба за спиење поради замор се исто така индикатори на стрес. Понекогаш проблемите едноставно нè оптоваруваат премногу што не можеме да заспиеме, а понекогаш сме толку летаргични што дремнуваме цел ден. Ниедна од овие две состојби не е нормална, и двете јасно покажуваат дека ни треба одмор.
Треба да се изолирате
Немате волја да се дружите со пријателите, ги избегнувате нивните повици и едноставно не сакате да бидете со други луѓе. Сите ние повремено сакаме време за себе, но избегнувањето интеракција со блиски луѓе е знак дека ве обземаат обврските.
