28.8 C
Скопје
27. септември 2021
Centar.mk – Вести, бизнис, забава, спорт…
Македонија

Гостиварец по телефон повикал познаник на игралиште и го претепал

Гостиварското основно јавно обвинителство поднесе обвинение против 25-годишен гостиварец, за сторено кривично дело – насилство.

Како што информираат од обвинителството, 25-годишникот на 31 јануари годинава, околу 16:30 часот во Гостивар, ја загрозил сигурноста на едно лице вршејќи грубо насилство, предизвикувајќи во јавноста чувство на несигурност, загрозување и страв.

Имено, гостиварецот му се јавил на оштетениот и го повикал да се сретнат на игралиштето во населба Малеарди. Откако оштетениот пристигнал, обвинетиот го нападнал со тупаници и клоци по главата и телото.

Потоа обвинетиот насилно го внел човекот во своето возило и започнал да се движи по патот, постојано удирајќи го оштетениот со тупаници, заканувајќи се дека ќе го однесе во блиската шума каде ќе го тепа со дрво и шипка.

Движејќи се со возилото, по пат ги пресретнал таткото на обвинетиот. Но и покрај тоа што таткото на 25-годишникот се спротивставил на насилството, обвинетиот продолжил да го удира човекот.

Во тој момент оштетениот, кој од ударите се здобил со повреди, успеал да избега од самото место.

Можеби ќе ве интересира

Русковска барала вештачење на телефонот со кој бил фотографиран Рашковски

M T

Дали вашиот мобилен телефон често се загрева? – Еве што може да биде причината

M T

Шахпаска: Заштитата на децата од насилство е процес кој е комплексен и обединува повеќе ресорни министерства

M T