И додека Македонија ги живее најтоплите денови оваа година со температури кои надминуваат и 40 степени, а делови од земјава се во жолта и црвена фаза, на овој дел од Македонија му дојде вистинско освежување силниот дожд.
Камерата на Centar.mk попладнево околу 15 часот и 10 минути забележа појава на силен дожд и нестабилна маса во кавадаречкиот регион на патниот правец пред Плетвар.
За нестабилна облачна маса во централниот дел на земјава, со движење кон југоисток беше забележана во кавадаречко-прилепскиот регион.
Од УХМР известуваат дека и натаму ќе имаме многу топло време со натпросечни температури за овој период од годината. Согласно очекуваните вредности на територијата на цела Македонија е активирано портокалово, а во јужно-вардарскиот регион и црвено ниво за опасност од високи температури кои го зафатија регионот.
