Силно невреме попладнево го погоди источниот дел од Македонија, при што некаде наврна и град.
Според информациите топчиња град со големина на лешник го погодија и Берово, за што сведочат и видеата објавени на социјалните мрежи.
Денеска делови од Македонија беа зафатени од силно невреме проследено со пороен дожд, грмотевици и град. Впрочем денес и Скопје околу 1 час остана без струја поради уда од гром.
Метереолозите информираат дека до недела продолжува периодот на променливо облачно и нестабилно време, претпладне со сончеви периоди, а околу пладне и попладне на повеќе со пороен дожд, грмежи и засилување на ветерот. Локално процесите ќе бидат поинтензивни со пообилен дожд за кратко време, почести електрични празнења и појава на град.
