-2 C
Скопје
16. јануари 2021
Centar.mk – Дознај сѐ!
Centar Македонија ТОП ВЕСТИ

Симовски: Април е единствен термин за попис, веќе имаме анкети на терен со целосна заштита од вирусот

„Сплетот на околностите не тера пописот да го спроведеме во планираниот период. Ние имаме во октомври локални избори, а попис и избори се неспоиви. На дневна основа ја следиме здравствената криза, ние спроведуваме во моментов анкети со 5 000 домаќинства, тоа е голем контингент, и немаме никаков проблем на терен. Сите попишувачи ги преземаат мерките за заштита, исто како и семејствата кои ги посетуваме. Пописот е во април, не е во зимски услови кога сме постојано затворени дома. За очекување е дека до април бранот со вирусот ќе се намали. Имавме пик со 1 000 новозаразени на ден, но сега не е така. Повторувам, попишувачите немаат задача да се штитат само себе, туку и граѓаните. Со оглед дека ќе биде пролет ќе попишуваме и во двор, на отворен простор, секаде каде што има услови за тоа. Во овој момент, како што се движат работите, може да се организира попис. Поволни термини за попис се април или октомври кога населението е најмалку мобилно. Во нашиот случај тоа е април“- изјави директорот на Заводот за статистика, Апостол Симовски, во вестите на Сител.

Дополни дека пописот е едно од 260-те истражувања кои заводот ги прави секоја година и затоа оваа институција не е привилегирана во врска со пописот, туку има сериозна обврска и одговорност.