Утрово група струмичани украле тело на мртов човек од инфективната клиника во болницата во Струмица.
Според информациите пациентот кој бил во амбулантата во Струмица во тешка состојба, починал, по што група од дваесетина граѓани го украле починатиот со креветот.
Телото според информациите било префрлено преку ограда и ставено во комбе, по што им се губи трагата.
Лицата не дозволиле да биде потпишана посмртницата и не ги пополнале документите.
За ова веќе е известена полицијата.
Засега нема информации дали починатиот имал ковид 19, бидејќи не му бил направен тест.
