Храната што спаѓа во категоријата на ултра-обработена храна значително го зголемува ризикот од колоректален карцином кај мажите и од срцеви заболувања и прерана смрт кај двата пола.
Оваа загрижувачка информација ја потврдија две големи студии спроведени во Италија и Соединетите Американски Држави.
Две студии ги опфатиле навиките во исхраната на голем број испитаници во овие две земји и откриле дека ултра-обработената храна значително го зголемува ризикот од болести и прерана смрт.
Категоријата ултра-обработена храна вклучува:
Колбаси
Виршли
Супи од кеса или тетрапак
Замрзната пица
Готови бисквити и колачи
Крофни
Сладолед
Газирани пијалоци
Чипс
“Постојат стотици студии кои ја утврдиле поврзаноста на ултра-преработената храна со појавата на болести, кардиоваскуларни заболувања, рак и зголемен ризик од прерана смрт. Овие две студии го потврдуваат тоа – ултра преработената храна е недвосмислено поврзана со зголемен ризик од хронични болести“, вели Марион Нестле, професор по нутриционизам на Универзитетот во Њујорк.
Американската студија следела 200.000 жени и мажи во долг временски период, некои од нив биле учесници 28 години. Откриено е дека постои врска помеѓу колоректалниот карцином кај мажите и нивните навики во исхраната, но истата врска не била пронајдена кај жените. Сувомесните производи долго се сметаа за храна која предизвикува здравствени проблеми, но сега за прв пат е утврдено дека сите намирници од категоријата ултра преработени го зголемуваат ризикот од болести.
Една студија во Италија следела 22.000 луѓе во текот на 12 години, со цел да се утврдат факторите на ризик за рак, како и болести на срцето и мозокот. Анализите потврдија дека храната богата со шеќер или транс масти, заедно со ултра-обработената храна, го зголемува ризикот од болести. Но, ултра-обработената храна сепак изгледа поопасна ако се земе предвид фактот дека таа најмногу придонела за зголемување на ризикот од рана смрт.
Зошто ултра-обработената храна е толку нездрава?
Станува збор за храна од индустриски состав, направена од состојки извлечени од храна или синтетизирани во лабораторија. Содржат многу малку или воопшто не содржат храна во нејзината оригинална форма. Полни се со адитиви како вештачки бои, ароми или стабилизатори, сол и шеќер, додека од друга страна не содржат влакна, витамини, минерали…
„Ефектите од ултра-обработената храна се многу јасни. Но, причините за овие ефекти сè уште се непознати. Би било убаво да се има одговор на прашањето зошто тие влијаат на здравјето на таков начин, но додека не го направиме тоа е најдобро е да се воздржите од нив или да ја ограничите нивната потрошувачка на минимум“, заклучува Нестл.
