Бубрезите може да бидат склони кон оштетување ако не се грижиме за нив, што значи да се грижиме за тоа што јадеме.
Бубрезите се многу важни бидејќи ги балансираат течностите, електролитите и растворените материи за да ја филтрираат водата и отпадот од нашата крв и да произведуваат околу 1500 милилитри урина дневно. Ова е управувано од милион функционални единици на секој бубрег наречени нефрони, кои вклучуваат тубули, органи и други структури, со гломерули, кои произведуваат ултрафилтрат.
Две хронични болести кои го зголемуваат ризикот од бубрежна болест се дијабетесот и хипертензијата. Бубрежното заболување на крајот се класифицира во четири состојби: бубрежни камења, акутна бубрежна повреда, хронична бубрежна болест или краен стадиум на бубрежна болест.
Ограничувањето на внесот на натриум и заситени масти се основните начини за намалување на ризикот и/или управување со дијабетес и хипертензија, кои може да штитат од развој на бубрежна болест.
Бубрезите можат да бидат склони кон оштетување ако не се грижиме за нив, што значи да се грижиме за тоа што го јадеме. Затоа подолу ви набројуваме пет намирници кои треба да ги избегнувате за да ги заштитите вашите бубрези.
ПРЕРАБОТЕНО МЕСО
Сланина, колбаси, виршли, филета и хамбургери се двојна закана за здравјето на бубрезите. Преработеното месо е богато со натриум и протеини од животинско потекло. Прекумерниот внес на натриум (над 2.300 милиграми дневно) може да го зголеми крвниот притисок, а тоа создава дополнителен стрес на бубрезите.
Неодамнешната литература, исто така, сугерира дека повеќе животински отколку растителни протеини во исхраната може да ја зголеми стапката на прогресија на бубрежно заболување.
СУПИ
Супите често се сметаат за лесни, но за жал можат да бидат полни со сол. Дури и да се работи за домашна супа, за чија подготовка се користи говедско, пилешко или супа од зеленчук, може да содржи над 800 милиграми натриум по чаша.
На пазарот има и готови супи со намалена и ниска содржина на натриум, но повеќето потрошувачи мислат дека имаат лош вкус и им недостасува сол.
ЗАМРЗНАТА ПИЦА
Во недостиг на идеи и време, луѓето посегнуваат по замрзната пица, но оваа класика понекогаш има вртоглави количини на натриум и заситени масти. Пица од ресторан не е многу подобра опција, но може да биде ако ги прилагодите состојките и изберете помалку сирење, интегрално тесто итн.
ПРЖЕНИ КОМПИРИ
Компирите се омилен прилог на многумина, но најчесто се консумираат пржени и токму тоа е проблемот. Пржената храна не им прави никаква корист на бубрезите, па затоа најдобро е да ја избегнувате за да го заштитите срцето и бубрезите. Компирите исто така се богати со калиум, минерал кој обично се советува да внимавате на внесувањето доколку вашите бубрези се компромитирани или ако достигнете фаза на бубрежна инсуфициенција.
СОЈА СОС
Соја сос, како и тамари, се сосови со најмногу натриум. Тие имаат шокантни 950 милиграми натриум по лажица, што е речиси 50 проценти од препорачаната дневна вредност. Соја сос обично се користи за да се додаде вкус, а можеби ќе можете да го замените со состојки како што се печурки, доматна паста или ароматизиран оцет.
