Според истражувањето објавено денес, повеќе од 14 отсто од светската популација се заразила со Лајмска болест, најчеста болест која се пренесува преку крлежи.
Централна Европа имаше највисока стапка на зараза од 20 проценти, додека мажите постари од 50 години кои живеат во руралните области беа најзагрозени.
Состојбата е ретко фатална, но луѓето кои се каснати од инфициран крлеж често добиваат осип и страдаат од симптоми слични на грип, вклучувајќи болки во мускулите и зглобовите, главоболка, гадење и повраќање.
За да откријат колку е честа Лајмската болест низ светот, научниците собраа податоци од 89 студии. Бактеријата Borrelia burgdorferi (Bb) која предизвикува болест е пронајдена во крвта на 14,5 отсто од речиси 160.000 испитаници.
„Ова е најсеопфатен и најсовремен систематски преглед на преваленцата на болести во светот“, велат научниците.
Централна Европа, регионот со највисока стапка на антитела, следи Источна Азија со 15,9 отсто, Западна Европа со 13,5 отсто и Источна Европа со 10,4 отсто.
Карибите имаат најниска стапка, од само два отсто.
Досегашните истражувања покажаа дека инциденцата на болести кои се пренесуваат преку крлежи е двојно зголемена во последните 12 години.
Причините за растот се подолгите и сушните лета поради климатските промени, миграцијата на животните, губењето на живеалиштата и „зголемениот контакт со домашните миленици“, се вели во студијата.
Фармерите и работниците кои се во редовен контакт со животни како кучиња и овци биле најмногу изложени на ризик да бидат каснати од заразен крлеж, покажа истражувањето.
