Македонија денеска ќе има променливо облачно време со повремени сончеви периоди. Според прогнозата на Управата за хидрометеоролошки работи, минималните температури ќе се движат од 4 до 10 степени, а дневните максимуми ќе достигнат од 12 до 17 степени.
Во западните делови ќе има услови за магла, додека во Скопје е можна појава на слаб локален дожд. За главниот град се прогнозира максимална температура до 17 степени.
Во наредните денови се очекуваат повремени врнежи, а во петок ветерот може да биде силен. Од сабота се најавува продор на постудена воздушна маса од север, што ќе донесе опаѓање на температурите.
