Портпаролот на Кремљ, Дмитриј Песков, изјави дека рускиот претседател Владимир Путин е подготвен да разговара со украинскиот лидер Володимир Зеленски, ако е потребно.
„Самиот Путин рече дека ќе биде подготвен да преговара со Зеленски доколку е потребно, но неопходна е дискусија за правната основа на договорот, со оглед на реалноста дека легитимноста на Зеленски може да биде доведена во прашање“, изјави тој за новинарите.
Тој исто така додаде дека преговорите меѓу Русија и Америка за судбината на Украина би можеле да дадат повеќе информации за можна средба меѓу Владимир Путин и Доналд Трамп.
Како што претходно објавивме, Песков, исто така, подвлече дека прашањето за пристапувањето на Украина во Европската унија е нејзино суверено право и дека Русија нема намера да му диктира на Киев како да му пристапи на прашањето, но ќе повлече линија кога станува збор за воените сојузи.
„Зборуваме за интегративни и економски интегративни процеси. И тука, се разбира, никој не може ништо да диктира на ниту една земја и ние нема да го направиме тоа. Има сосема поинаков став, се разбира, за прашањата поврзани со безбедноста во однос на одбраната или воените сојузи“, рече Песков./Извор:Makfax
